Европа се приближува кон сериозна криза со авионско гориво поради последиците од конфликтот на Блискиот Исток и блокадата на Ормускиот теснец.

Четири европски аеродроми се соочуваат со можен прекин во снабдувањето со керозин, при што Италија прва алармираше за проблемот.

Цената на авиогоривото бележи постојан раст, што директно влијае врз цените на авиобилетите. Авиокомпаниите предупредуваат дека доколку ситуацијата не се стабилизира, може да дојде до укинување на одредени летови.

Од позитивна страна, на аеродромите во Скопје и Охрид има доволно количини на керозин, соопшти ТАВ Македонија, уверувајќи ги патниците дека засега нема причина за загриженост на домашните аеродроми.

Кризата е директна последица на нарушувањето на глобалните енергетски синџири, особено по блокадата на Ормускиот теснец низ кој минува значителен дел од светските нафтени испораки.