Кубанскиот басист, вокалист и композитор Алајн Перез, добитник на Grammy и Latin Grammy награди, пристигнува во Скопје на 16 април со Националниот џез оркестар на Македонија за концерт во Националната опера и балет.

Перез е еден од најмногустраните кубански музичари на меѓународната сцена. Десет години бил постојан член на секстетот на легендарниот фламенко гитарист Пако де Лусија, а соработувал и со Чучо Валдес (Blue Note Records), Чик Кориа и Винтон Марсалис. Неговиот последен албум „Bingo” беше номиниран и за Grammy и за Latin Grammy во категоријата најдобар тропски латино албум.

Концертот е дел од турнејата „La Fiesta Tour” и ветува автентично кубанско искуство – салса, тимба и џез ритми во живо. На сцена ќе биде и La Orquesta, осумчлена ритам секција специјализирана за кубански звук.

Билетите чинат 1.000 денари и се достапни преку karti.com.mk. Почеток во 20:00 часот.