„Вечерас сме сами” во Скопје на 16 април – претставата со 118 распродадени изведби за една година

Театарската хит-комедија „Вечерас сме сами” со Наташа Аксентијевиќ и Семир Гициќ доаѓа во Скопје на 16 април, во Центарот за култура „Трајко Прокопиев”.

Претставата зад себе има импресивна бројка од 118 изведби за само една година и редовно ги полни салите низ Србија, Хрватска, Босна и Црна Гора. Публиката ја опишува како „претстава по која ве болат мускулите од смеење”.

Приказната навлегува во срцето на балканското семејство – таму каде љубовта, недоразбирањата, страста и вечната борба со секојдневието се случуваат истовремено. Аксентијевиќ и Гициќ донесуваат квалитетен хумор со препознатлива иронија, покажувајќи дека во нашите мали семејни битки се крие најголемата комедија.

Билетите чинат 400 денари и се достапни преку karti.com.mk. Почеток во 20:00 часот.