Duran Duran, една од најиконичните и најиздржливите групи во историјата на поп и рок музиката, доаѓаат во Скопје на 2 јули со концерт во Арена Борис Трајковски.

Примени во Rock and Roll Hall of Fame во 2022 и со над 100 милиони продадени плочи ширум светот, Duran Duran продолжуваат да настапуваат како хедлајнери на најголемите светски фестивали. Четири децении хитови – од „Hungry Like the Wolf” и „Rio” до „Ordinary World” – ќе звучат во најголемата арена во Скопје.

Организаторите го најавуваат како „најголемиот рокенрол концерт оваа сезона во Македонија”. Почеток во 21:00 часот.

Билетите се од 2.990 до 6.000 денари на karti.com.mk.