Стив Аоки, еден од најпознатите ДЈ-и на планетата, доаѓа во Битола на 2 август на Стадион Петар Милошевски. Американскиот продуцент и ДЈ со јапонско потекло има зад себе повеќе од 1,5 милијарди стримови на Спотифај и дополнителни 2 милијарди на Јутјуб – бројки кои го ставаат меѓу апсолутната елита на електронската музика.

Аоки не е обичен ДЈ. Носител е на три Гинисови рекорди, вклучувајќи „најмногу патуван музичар во една година” со 161 настапи во 41 земја во 2014. Неговиот дебитантски албум „Wonderland” беше номиниран за Греми за Најдобар танцов/електронски албум, а соработуваше со имиња како Линкин Парк, Снуп Дог, Фол Аут Бој и will.i.am. Од 2006 година одржува повеќе од 200 настапи годишно.

Битола добива глобален ДЈ акт на истиот стадион каде ден претходно настапува Здравко Чолиќ. Две ноќи, два потполно различни света – од балканска класика до светска електроника. Билетите се движат од 1.500 до 2.000 денари и се достапни преку karti.com.mk.