Нова планинарска патека на Пелистер: 16 километри кружна рута од Чапарска Пресека до село Чапари, преку Горња Скала и Лоша Стена. Патеката е наменета и за пешачење и за велосипедизам, а ја обновија вработените во Националниот парк „Пелистер” заедно со Екстрем Бајк Тим Битола.

Патеката е целосно реновирана и опремена. Во земја каде природниот туризам е неискористен потенцијал, секој километар нова патека е чекор напред. Пелистер е еден од најстарите национални паркови на Балканот – и заслужува повеќе од тоа да биде познат само по моликата.

Шеснаесет километри не се малку – тоа е сериозен планинарски ден. Рутата нуди комбинација на шума, камења и панорама кон Битола и пелагониската рамнина. За оние кои сакаат нешто повеќе од кафе на плоштадот во Битола, ова е вистинската дестинација.