Границата и Солун, во живо – пред да седнеш во кола

Секое лето истата приказна: тргнуваш за Грција без да знаеш што те чека на граница, па редот те дочекува како изненадување. Не мора така. На Метла ги собравме камерите во живо од сите три гранични премини кон Грција – Богородица (Евзони), Меџитлија и Стар Дојран – на едно место, заедно со моменталното време на чекање во двете насоки.

Разликата меѓу работен ден и викенд е огромна. Надвор од шпиц, на Богородица обично се чека 10-20 минути. Но во сабота наутро кон Грција и во недела попладне кон дома, редот знае да порасне на 1-3 часа. Од април 2026 на Богородица важи и новата EES биометрија, но добра вест за возачите: при најголема гужва Грција често ја паузира за да мине редот побрзо.

Обиколницата на Солун – гледаш дали да влезеш или да заобиколиш

Патот за Халкидики, Пиерија или Кавала минува покрај Солун, а обиколницата во 2026 е големо градилиште поради надвозникот „Flyover”. Затоа во водичот има и сообраќај во живо од официјалната платформа на ИМЕТ, плус кога обично е најголема гужва (наутро 07:00-10:30 и попладне 15:00-19:00, сабота околу 10:00 кон Халкидики).

Ако удриш на голема гужва, наместо да седиш во колона, можеш да го заобиколиш Солун преку Стар Дојран – Геракару, Загливери, Полигирос, околу 2,5 часа до Никити. Сето ова е на едно место, се ажурира во живо и вреди да го отвориш пред да тргнеш, не откако ќе заглавиш.