Обидот на Лос Анџелес да го донесе Јанис Адетокумбо добива конкретна форма – барем во медиумите. Според најновата информација објавена од Чарана, потенцијален пакет од Лејкерс за грчкиот ас вклучува три првокругашки избори, можност Лејкерс да го апсорбираат целиот договор на Адетокумбо преку cap простор, плус втора варијанта со sign-and-trade со учество на Остин Ривс.

Конкретно станува збор за пик број 25 во драфтот 2026, плус идни првокругашки избори во 2031 и 2033, со неколку дополнителни pick swap-ови. Сам Чарана веднаш изрази скептицизам – овие услови може и да не се доволни ако Милвоки навистина го стави Адетокумбо на трговскиот пазар, бидејќи интерес ќе има од половина лига.

Се’ тргнува од Милвоки. Бакс сака јасност дали двократниот МВП е спремен да потпише ново продолжение. Ако одговорот е “не”, организацијата веројатно ќе тргне по трговија пред да го изгуби како слободен агент кога-тогаш. Со други зборови, секој иден потег зависи првенствено од Јанис, потоа од сè друго.

Соединување на Адетокумбо со Лука Дончиќ во Лос Анџелес би креирало еден од најекстремните дуа во НБА, но и сериозна каде-главоболка за останатиот ростер. Без многу преостанат cap простор, Лејкерс би биле принудени да градат околу нив со договори за минимална плата и неискористени првокругашки пикови. На сцена остануваат и Мајами Хит, Минесота Тимбервулс и неколку други клубови што чекаат истиот сигнал од Висконсин.

И уште една променлива – ЛеБрон Џејмс. Сите сигнали засега покажуваат дека ќе игра уште една сезона, и Лос Анџелес засега останува неговата прва дестинација. Ако Лејкерс конечно успеат да ги конвертираат сите овие сценарија во една реалност, годината 2026/27 ќе биде сигурно нешто најинтересно во последните неколку. Дотогаш – сè зависи од Јанис.