Манчестер Јунајтед е подготвен да фрли околу 150 милиони фунти (околу 175 милиони евра) на трајкa нови средни играчи ова лето, според извештаи на британските медиуми. Поголемиот дел од буџетот лани отиде на нападот – сега доаѓа на ред она што Олд Трафорд го боли веќе со години: средината.

Една работа е сигурна – Касемиро заминува. Бразилецот веќе потврди дека на крајот на сезоната излегува низ голема порта, а Мануел Угарте исто така може да биде даден доколку се појави разумна понуда. Ред Девилс тргнаа во чистка, и тоа е првиот реален потег после долго време.

Главната мета е Елиот Андерсон од Нотингем Форест. Околу 80 милиони фунти се одвоени за заменикот на Касемиро, но Форест нема да го пушти за помалку од 100 милиони. Вториот проблем – Манчестер Сити е во подобра позиција за 23-годишникот, и кога Сити повлече рамо пред нос на Јунајтед, ретко се случува другата страна да заврши со подадена рака.

Останатите имиња на списокот: Карлос Балеба, Адам Вортон, Сандро Тонали и Орелиен Чуамени. Балеба може да се земе на пониска цена по слабата 2025/26 сезона. За Вортон ќе треба тешка кеса – и Ливерпул е во потер. Интересот за Тонали се изладе, додека Чуамени сака да продолжи во Реал Мадрид.

Тимот на Мајкл Карик бара и нов централен бек, левиот бек е приоритет, а ако остане буџет – крило. Џедон Санчо и Маркус Рашфорд се очекува да бидат продадени. На хартија, тоа е три средни играчи, два бека и едно крило за едно лето – реконструкција колку лесна работа.

Прашањето кое никој во Манчестер не сака да го постави е поразлично – колку пати Јунајтед веќе вети „рестарт” во последните 10 години? И колку од тие „рестарти” завршија со уште еден промашен трансфер плус „мора да дадеме време на новиот тренер”? Парите ги има. Планот е напишан. Во филм нè пушти ова веќе барем шест пати.