Нова јавна набавка за реконструкција на изгорената Универзална сала

Министерот за култура Зоран Љутков информираше дека е објавена нова јавна набавка за реконструкција на изгорената Универзална сала.

Оваа информација тој ја соопшти во рамки на годишниот рекапитулар за реализираните активности, при што како капитални проекти ги издвои и Турски театар, театрите во Струмица и Куманово, како и киното Кино Партизан.

„Обезбедена е нова документација и објавена е нова јавна набавка за реконструкција на Универзална сала“, изјави Љутков, потенцирајќи дека обновата на клучните културни објекти останува приоритет на Министерството.