Турција предупредува: Операцијата на САД во Венецуела ја крши Повелбата на ОН и го води светот кон голем конфликт

Анкара предупредува: Вашингтон ја крши Повелбата на ОН и ја презема улогата на „светски судија“
Дејствијата на Соединетите Американски Држави во Венецуела претставуваат грубо кршење на Повелбата на Обединетите нации и меѓународното право и може да го турнат светот во неповратен глобален конфликт, изјави поранешниот претседател на Парламентот на Турција, Мустафа Шентоп.

Во објава на социјалната мрежа X, Шентоп рече дека ниедна земја нема право да ја преземе улогата на судија за судбината на друга земја.

„Независноста и суверенитетот претставуваат црвена линија на меѓународниот систем. Операцијата на САД во Венецуела не е само кршење на границите, туку отворено кршење на Повелбата на ОН и основните норми на меѓународното право. Ниедна земја не може да ја преземе улогата на „судија“ над другите. Овој вид интервенција го влече светот во бесконечен конфликт“, напиша Шентоп.