Додека светот ги брои загубите од затворениот Хормуз, „Бритиш Петролеум” ги брои профитите. Во првиот квартал на 2026, профитот на британскиот нафтен гигант достигна 3,198 милијарди долари – повеќе од двојно во споредба со истиот период лани, кога биле 1,381 милијарди. Аналитичарите очекувале 2,7 милијарди. Добиле повеќе.

Формулата е едноставна: конфликтот во Иран, нападите врз Хормускиот теснец од март 2026, и последичното затворање на клучниот нафтен правец – сè тоа ги зголемило цените на нафтата до над 108 долари за барел. За компании кои ја вадат и продаваат нафтата, тоа е директна добивка.

„Резултатите ја одразуваат исклучително успешната нафтена операција”, соопшти компанијата. Краткото соопштение кажува се – и ништо не кажува за тоа дека зад тие резултати стојат геополитичка криза, воен конфликт и поскапување кое граѓаните во целиот свет го чувствуваат на пумпите.

Вака изгледа нафтената економија во криза: за потрошувачите секој литар поскапо, за нафтените компании секој квартал попрофитабилно. И двете работи се случуваат истовремено, истата причина.