Три луѓе починаа на крузерот MV Hondius, на пат помеѓу Аргентина и островите Кабо Верде. Светската здравствена организација потврди еден случај на хантавирус со уште пет под истрага. Вирусот не се пренесува од човек на човек – туку преку инхалирање на честички од измет на заразени глувци. На брод. Со патници.

Хантавирусот е група вируси чиј главен резервоар се глодари. Инфекцијата предизвикува две сериозни болести: хантавирусен белодробен синдром (HPS) со 38 проценти смртност и хеморагична треска со бубрежна дисфункција. Нема специфична терапија – лекувањето е потпорно: кислород, вентилатор, дијализа, интензивна нега.

Хантавирусот не е нов: светски се регистрираат 150.000 случаи годишно, повеќето во Европа и Азија (Кина има повеќе од половина). Во САД биле евидентирани 890 случаи уште од 1993 до денес. Но почетокот на лета во Атлантскиот Океан, на крузер со патници, е сосема поинаков контекст.

Луѓето кои платиле крстарење добиле нешто поинакво. И за сега, три семејства немаат свои луѓе.