Норвешката кралска куќа влегува во критична фаза. Принцезата Мете-Марит, идната кралица, се влошува – а нејзиниот сопруг, престолонаследникот Хокон, тоа го потврди јавно за време на доделувањето на Абеловата награда. „Сериозно болна е, и верувам дека неодамна се влошила. Загрижен сум за нејзиното здравје”, изјави Хокон, со ретка отвореност за норвешкиот двор.

Мете-Марит, на возраст од 52 години, е дијагностицирана со белодробна фиброза уште од 2018-та – неизлечива болест која постепено создава лузни во белите дробови и носи сѐ поголема респираторна тешкотија. Веќе користи кислород преку назална канила секој ден. Се наоѓа на листа за чекање за трансплантација на бели дробови, а самиот Хокон рече дека „одлуката е медицинска – лекарите решаваат кога е вистинскиот момент”. Превод: не е далеку.

Последен пат јавно се појави на 17 мај, националниот празник на Норвешка, во резиденцијата Скаугум – со кислородна поддршка, седната на столче. Тоа беше слика што го промени тонот на сè за норвешката јавност, која беше навикната на енергична иднина кралица.

Кризата не доаѓа сама. Кралот Харалд и кралицата Соња (88) имаат свои здравствени проблеми – таа беше итно примена во болница пред неколку дена. А синот на Мете-Марит од претходна врска, Маријус Борг Хеиби, се појавува на суд по повеќе обвинувања, што додава политичка тежина на семејната драма. Норвешкото кралство, познато по својата дискретност, овој пат не успева да ја скрие тежината на моментот.