Бил Гејтс сведочеше пред конгресна комисија за својот однос со Џефри Епштајн и призна нешто што тешко се слуша од милијардер: „Можно е дека бев во присуство на жртви.” Истовремено тврди дека никогаш не бил сведок ниту учесник во каков било сексуален криминал.

Гејтс го опиша односот како „исклучиво професионален” и долг три години. Со Епштајн го запознал хрватскиот лекар и инвеститор Борис Николиќ во 2011 година. Сега Гејтс вели дека требало посериозно да ја сфати репутацијата и криминалната историја на Епштајн пред да влезе во таа врска – признание што доаѓа предоцна за жртвите, но сепак ретко за човек од неговиот ранг.

Уште поинтересен е делот за уцена. Според Гејтс, Епштајн се обидел да го изнудува користејќи приватни информации за негови неверства, а тие информации му ги пренел токму Николиќ. Гејтс тврди дека му наредил на својот тим никогаш да не плати ништо од она што Епштајн го барал.

Приказната на Епштајн одамна престана да биде само криминален случај – стана огледало во кое се гледаат најмоќните луѓе на планетата, обидувајќи се да објаснат како се нашле во неговото друштво. Кога милијардерите еден по еден признаваат дека „можеби” виделе нешто, прашањето не е дали знаеле – туку зошто молчеле толку долго.