Скопје има најниска просечна кирија меѓу европските главни градови – околу 470 евра за двособен стан, според истражување на Евростат што опфаќа 40 европски градови во втората половина на 2025 година. Зад него е Приштина со 520 евра.

На другиот крај на листата е Лондон со неверојатни 3.050 евра месечно, следен од Даблин и Стокхолм со по 2.650, Осло со 2.550, Париз со 2.500 и Берлин со 1.750 евра. Истражувањето се однесува на ненамебелирани станови во добра состојба, без режии.

На прв поглед, вест за гордеење – најевтино живеење на континентот. Но бројката лаже ако не се стави до неа уште една: платата. Кирија од 470 евра е „ниска” само додека не ја споредиш со македонската просечна плата, која е далеку под западноевропската.

Лондончанец што плаќа 3.050 евра заработува неспоредливо повеќе од Скопјанец што плаќа 470. Прашањето не е колку чини станот, туку колку од платата заминува за него. А по таа мерка – односот меѓу кирија и заработка – Скопје веќе не е најевтиниот град, туку само уште еден каде покривот над глава голта сè поголем дел од месечниот приход.