Силен земјотрес со јачина од 4,5 степени по Рихтеровата скала ја погоди Босна и Херцеговина на 17 февруари во 17:31 часот, со епицентар сместен околу 51 километар североисточно од Сплит, односно 13 километри северозападно од Ливно. Тресотот беше почувствуван низ целиот далматински брег, како и во делови од Хрватска.

Според податоците на Европско-медитеранскиот сеизмолошки центар (EMSC), жариштето на земјотресот се наоѓа на длабочина од околу 10 километри под површината. Тресотот беше регистриран воширок регион, вклучувајќи ги областите на Задар, Макарска, Шибеник и Дубровник во Хрватска.

Граѓаните кои го почувствувале тресотот го опишуваат како интензивен и несекојдневен. „Беше многу силен, едноставно многу силен”, изјави еден сведок, додека друг додаде: „Беше ужасно, слушнавме некој звук непосредно пред тоа.” Некои жители пријавија дека слушнале тупкање пред главниот удар, што е карактеристично за посилни сеизмички активности.

Според првичните информации, нема пријавени жртви или материјална штета. Надлежните служби за итни случаи во Босна и Херцеговина и Хрватска веднаш реагираа и ги прегледуваа критичните инфраструктурни објекти.

Балканскиот регион редовно бележи сеизмичка активност поради својата геолошка позиција на тектонските плочи. Во изминатите денови, во истиот регион беа регистрирани и помали тресови, вклучувајќи земјотрес со јачина од 3,3 степени во Јадранското Море, што укажува на зголемена сеизмичка активност во зоната.