Трагедијата во скопскиот Карпош каде загинаа мајка и нејзиното малолетно дете стана предмет на остра политичка дебата во Македонија. СДСМ побара оставка од министерот за внатрешни работи Панче Тошковски, тврдејќи дека институциите биле алармирани но не реагирале соодветно.

„Наместо телеграми со сочувство, Тошковски требаше нешто да преземе”, изјавија од СДСМ, обвинувајќи ги надлежните за институционален пропуст во системот за заштита на жртвите на семејно насилство.

ВМРО-ДПМНЕ остро одговори, обвинувајќи ја СДСМ дека трагедиите ги користи „стрикно за политички поени”. Партијата потсети дека СДСМ кога беше во опозиција ги употребувала слични случаи за политичка добивка. „Кога дојдоа на власт, заборавија на сè”, се наведува во соопштението.

ВМРО-ДПМНЕ истакна дека „сега работите се кажуваат гласно и транспарентно, а виновниците имаат имиња и презимиња” и повика никој да не ги користи трагедиите за политички цели.

Министерот Тошковски претходно ги објави деталите за случајот и издаде итна наредба полицијата да интервенира при секое и најмало сомневање за семејно насилство, без оглед на изјавата на жртвата.