Украина ги уништила контролните системи за руските ракети со удар врз заводот Кремниј Ел во Брјанск, потврди претседателот Владимир Зеленски. „Таа фабрика произведува системи за управување за сите видови ракети на Руската Федерација”, изјавил тој.

Нападот е извршен со крстосувачки ракети Storm Shadow лансирани од воздухоплови. Заводот Кремниј Ел е еден од главните руски производители на микроелектроника – таму се произведуваат полупроводнички компоненти за системи за наведување ракети, вклучително и за системите за воздушна одбрана Панцир и ракетниот систем Искандер.

Во нападот загинале шест лица, а 37 биле повредени, соопштија руските власти. Рускиот МНР соопшти дека ќе ги достави информациите за нападот до Обединетите нации, постaвувajќи прашање дали УН ќе молчат за цивилните жртви.

Операцијата е дел од пошироката украинска стратегија на длабоки удари врз руска територија со цел да ги наруши воено-индустриските синџири на снабдување.