Унгарскиот премиер Виктор Орбан објави видео на Фејсбук во кое тврди дека украинската страна му упатува закани на членовите на неговото семејство, вклучително и деца и внуци. „Украинците веќе ми се заканија на семејството, децата и внуците”, изјави тој телефонски разговарајќи со своите ќерки.

Орбан ги советуваше блиските да останат смирени: „Треба да го сфатиме сериозно, но не треба да се плашиме. Во вакви ситуации семејствата се обединуваат.” Истовремено нагласи дека „постојат граници на сè”.

Контекстот на спорот е прекинот на транзитот на руска нафта преку нафтоводот Дружба кон унгарски и словачки рафинерии, откако руски дрон го оштети нафтениот чвор Броди во западна Украина на 27 јануари. Будимпешта тврди дека Киев намерно ги одложува поправките поради политички притисок пред парламентарните избори на 12 април, додека украинските официјални лица и аналитичари тоа го негираат, наведувајќи сериозни еколошки штети.

Орбановата партија Фидес соочено со безпрецедентен изборен притисок – опозициската Тиса партија во анкетите води со околу 50 отсто, наспроти 39 отсто за Фидес.