Собранието утре треба да гласа за предлогот Ненад Савески да биде избран за нов државен јавен обвинител. За изборот се потребни најмалку 61 пратенички глас.

Савески, кој моментално е судија во Основниот кривичен суд во Скопје, беше номиниран од Владата на 10 март. Роден е во 1976 година, живее во Гостивар и е магистер по правни науки со фокус на кривичното право од Правниот факултет „Јустинијан Први” при УКИМ.

Од 2016 година работи како судија во Одделот за организиран криминал и корупција. Претходно бил јавен обвинител од 2009 до 2016, а правен соработник во Гостивар од 2004 до 2009 година.

Советот на јавни обвинители даде позитивно мислење за четири кандидати: Анита Тополова-Исајловска, Ленче Ристовска, Савески и Лидија Рајчевиќ. Владимир Панчевски беше оценет како неподобен поради недоволно работно искуство.

Кандидатурата на Савески следува по оставката на поранешниот обвинител Љупчо Коцевски во декември. В.д. обвинителката Тополова-Исајловска не може да остане на позицијата подолго од шест месеци.