Иран лансира балистички ракети од типот Хорамшахр-4 како дел од жестоката одмазда против Израел и САД, додека израелските воздушни сили го погодија иранскиот нуклеарен објект Бушехр каде се наоѓаат околу 480 руски техничари.

Нападот врз нуклеарката Бушехр претставува еден од најопасните моменти во конфликтот, бидејќи руски специјалисти работат на објектот. Москва засега не се огласи со официјална реакција за безбедноста на своите граѓани.

Повеќе земји од Персискиот Залив – ОАЕ, Саудиска Арабија, Кувајт, Бахреин и Катар – пресретнаа ирански дронови и ракети над своите територии. Иран потврди дека го нападнал и носачот на авиони „Ејбрахам Линколн” на американската морнарица.

Американската војска одговори со употреба на бункер-бустер бомби против ирански ракетни позиции во близина на Хормушкиот Теснец, стратешкиот поморски премин низ кој поминува една петтина од глобалната трговија со нафта.

Експлозии се пријавени во Дубаи, Багдад и повеќе локации во Заливот, додека иранското раководство одбива какви било предлози за прекин на огнот.