Словенија воведе ограничување на точење гориво на бензинските станици, со цел да ги намали проблемите со снабдувањето на нафтени деривати предизвикани од блискоисточната криза.

Точењето гориво е ограничено на 50 литри по лице дневно и 200 литри за правни лица и земјоделци. Ограничувањата ќе бидат на сила до понатаму.

Владата ја активираше и словенечката војска, чии припадници ќе учествуваат во снабдувањето и превозот на гориво. Дистрибутерите се повикани да ги координираат испораките од складиштата до бензинските станици.

Премиерот Роберт Голоб најави дека владата планира дополнителни ограничувања на продажбата на гориво на странци, поради што е издадена препорака до трговците да подготват соодветни мерки. Проблемите се најизразени кај компанијата Петрол, кон која премиерот беше остро критичен.