Русија предупреди дека ќе употреби „сите средства” за заштита на слободата на поморската пловидба, соопшти руското Министерство за надворешни работи. Изјавата доаѓа како одговор на неколку неодамнешни инциденти насочени против руски бродови.

Меѓу инцидентите се напад врз танкерот „Арктик ЛНГ 2″ во близина на Малта, заплена на бродот „Дина” од страна на француските поморски сили во Средоземното Море и задржување на „Морскаја Сова 1″ од шведската крајбрежна стража во Балтикот.

Москва го отфрла западниот наратив за „флота во сенка”, описувајќи го како конструкт на ЕУ дизајниран да ги намали руските трговски приходи. Руските претставници нагласуваат дека единствено санкциите одобрени од Советот за безбедност на ОН имаат легитимитет, додека едностраните западни мерки ги сметаат за незаконски.

Секретарот на Советот за безбедност, Николај Патрушев, изјави дека Русија разгледува заштитни мерки вклучувајќи воена ескорта за трговски бродови, мобилни борбени групи и потенцијално ангажирање на приватни воени компании. Дипломатските и правните средства, според него, се покажуваат како недоволни.

„Оние кои сакаат да го претворат Балтикот во внатрешно море на НАТО и ЕУ мора да разберат дека таквите активности нема да поминат без одговор”, се наведува во соопштението.