Конфликтот на Блискиот Исток продолжува да ескалира – најмалку шест лица се повредени во најновиот ирански ракетен напад врз Тел Авив, при што оштетени се повеќе згради и возила. Според извори, муницијата содржела приближно 100 килограми експлозив.

Американското разузнавање идентификувало најмалку десет мини во Хормушкиот Теснец, за кои се верува дека се ирански модели Махам 3 и Махам 7, опремени со магнетни и акустични сензори. Овој развој на настаните претставува сериозна закана за меѓународната пловидба во еден од најважните поморски коридори во светот.

На дипломатски план, пакистанското Министерство за надворешни работи изјави дека земјата е подготвена да биде домаќин на преговори меѓу конфликтните страни, иако деталите засега не се потврдени.

Ситуацијата дополнително се комплицира со наводите дека Саудиска Арабија и Обединетите Арапски Емирати се движат кон поактивна улога во операциите против Иран. Според извори, станува збор само за прашање на време пред Ријад да влезе во конфликтот.

Техеран, пак, закани со одмазднички удари против американските постројки за десалинизација како одговор на ултиматумите на САД во врска со Хормушкиот Теснец.