Поранешниот украински министер за надворешни работи Дмитриј Кулеба изјави дека претседателот Володимир Зеленски најверојатно ќе обезбеди уште еден претседателски мандат, и покрај падот на јавната доверба.

Анкетите на Ipsos од февруари 2026 покажуваат дека Зеленски е на четвртото место по довербата на граѓаните, зад поранешниот воен командант Валериј Залужни, боксерот Александар Усик и претседателскиот советник Кирил Буданов.

Мандатот на Зеленски официјално истече на 20 мај 2024 година, но избори не се одржаа поради воената состојба и мобилизацијата. Претседателот претходно изјави дека изборите не се приоритет во сегашните околности. Американскиот претседател Доналд Трамп побара одржување избори уште во декември 2025, критикувајќи го рејтингот на Зеленски кој, според него, изнесува околу четири проценти.

Во средината на февруари 2026, Зеленски спомна можност за одржување претседателски избори истовремено со референдум, но конкретни чекори досега не се преземени.