Франција го преформулира својот воен пристап врз основа на поуките од конфликтите во Украина и на Блискиот Исток, подготвувајќи се за можна конфронтација со Русија во оваа деценија.

Генералот Доминик Тардиф, заменик-командант на француските воздухопловни сили, изјави: „Применуваме се што можеме да научиме од Украина, особено во однос на развој на капацитетите.” Тој предупреди дека Русија би можела да го тестира НАТО помеѓу 2028 и 2029 година.

Конфликтите открија празнини во западните арсенали – на НАТО му недостигаат ефтини одбранбени средства против евтини закани, бидејќи ракетите за пресретнување на дронови чинат многу повеќе од самите дронови. Франција развива поевтини контрамерки, вклучувајќи пресретнување дронови со хеликоптер и ласерски водени ракети за борбените авиони Рафал.

Министерот за одбрана најави дека Франција ќе потроши 8,5 милијарди евра за муниција до 2030 година и може да произведува илјадници дронови-пресретнувачи месечно. Балтичките земји немаат борбени воздухопловни сили, а капацитетот на Романија е ограничен, што ги прави западноевропските воздушни сили критични на источниот фронт.