Екипажот на мисијата Артемис II за време на летот околу Месечината забележал необични бои на нејзината површина, вклучувајќи кафеави тонови и изолирани зеленкасти подрачја.

Астронаутите навеле дека поголемиот дел од површината на Месечината изгледал кафеаво, додека на одредени локации јасно се издвојувале зеленкасти нијанси. Канадскиот астронаут Џереми Хенсен посебно ја забележал таквата обоеност во близина на Аристарховата висорамнина – голем и релативно млад кратер.

Според членовите на екипажот, оваа појава е единствена и не е забележана никаде другаде на таа страна од Месечината.

Мисијата Артемис II влезе во историјата и по тоа што нејзините членови отишле подалеку од Земјата од кој било човек досега. За време на патувањето околу Месечината станале и првите луѓе кои со голо око виделе одредени делови од нејзината далечна страна, како и помрачување на Сонцето.

Екипажот достигнал максимално растојание од Земјата од 252.756 милји, со што е оборен рекордот на Аполо 13 од 1970 година за повеќе од 4.000 милји.