Портпаролката на руското Министерство за надворешни работи, Марија Захарова, упати предупредување до балтичките земји поради наводното дозволување на украински дронови да го користат нивниот воздушен простор при напади врз руски пристаништа.

„Доколку режимите на тие држави имаат имало разум, ќе послушаат. Инаку, мора да се соочат со одговорот”, изјави Захарова за руската агенција Интерфакс.

Латвија ги окарактеризира руските тврдења како дезинформациска кампања и поднесе формален протест до Москва. Естонија директно ги одби обвинувањата. Украинското Министерство за надворешни работи се извини кај сојузниците, сугерирајќи дека дроновите веројатно скршнале поради руските системи за електронско војување.

Украинскиот министер за надворешни работи Андриј Сибиха подоцна тврдеше дека Русија намерно ги пренасочува украинските дронови да навлезат во балтичкиот воздушен простор.

Најкратката директна рута од Украина до руските пристаништа кај Санкт Петербург поминува низ источните региони на Белорусија и покрај територијата на Латвија и Естонија.