Саша Ковачевиќ продолжува со летната турнеја по Македонија – по Битола на 25 јули, српската поп-ѕвезда настапува и во Охрид на 27 јули на Античкиот Театар. Членот на жирито во „Ѕвезде Гранда” и еден од најпопуларните српски поп пејачи на генерацијата ќе го исполни охридскиот амфитеатар со хитовите кои го направија омилен низ целиот Балкан.

Ковачевиќ е познат по баладите и поп-хитовите кои редовно доминираат на регионалните топ-листи. Со кариера подолга од 15 години и десетици песни кои станаа класици на балканската поп-сцена, тој е гарант за распродадени концерти каде и да настапи.

Античкиот Театар во Охрид е магична локација за летни концерти – отворено небо, историска атмосфера и акустика на две илјади години стар амфитеатар. Билетите се по 1.000 денари преку kupikarta.com.