Министерката за образование Весна Јаневска најави дека наскоро ќе излезат на виделина „многу покрупни неправолности” на факултетите. Повод е скандалот на Филозофскиот факултет при УКИМ, каде што седум магистранти и четири докторанти биле нелегално запишани од 2019 година – со тригодишно стручно образование наместо академско.

Државниот просветен инспекторат ги поништил уписите и ги прекинал студиите. Осум студенти веќе завршиле магистратура, иако валидноста на дипломите останува нејасна. Ниту еден не стигнал до докторат.

„Има многу неправолности во одредени институции и ќе се постапува по закон”, изјави Јаневска. Ректорката Билјана Ангелова потврди дека повредите се случиле меѓу 2019 и 2022, под претходното раководство. Како можно решение споменува нови акредитирани програми и повторен упис.

Значи, луѓе се запишале на магистратура без право на упис, завршиле, добиле дипломи – и сега никој не знае дали тие дипломи вредат нешто. А системот реагира дури по пет години. Дали некој ќе се запраша кој ги потпишувал тие уписи и зошто ништо не се чинело нелогично?