Хрватскиот воен аналитичар Маринко Огорец изрече она što многу европски лидери мислат приватно, но не смеат јавно: НАТО е во егзистенцијална криза. „Иднината на алијансата е загрозена, затоа што на Америка повеќе не и треба – а НАТО без нив не може да функционира.”

Геополитичкиот фокус на Вашингтон се поместил. Пацификот, Арктикот, Хормуз – тоа се приоритетите на американска стратегија денес. Европа е историски важна, но повеќе не е централна. А европските членки на НАТО зависат од американски вселенски системи, логистика и разузнавање кои не можат да ги заменат во краток рок.

Огорец ја критикува и американската стратегија во Иран. Вели дека Трамп „влегол во нешто кое не планирал да го развие” – под влијание на Нетанјаху. САД немаат стратегија за излез, Израел не ги постигнал своите цели. Преговорите јавно пропаднале, а тајната дипломатија – ако постои – ги нема резултатите.

За Балканот ова е конкретно прашање, не апстрактна геополитика. Македонија, Словенија, Хрватска, Албанија, Црна Гора – сите членки на НАТО кои за својата безбедност сметаат на алијанса чиј главен столб почнува да гледа на друга страна. Дали европскиот одбранбен столб може да ги замени американските капацитети? Огорец одговара со „не знаеме” – а тоа е доволно загрижувачки одговор.