Иран го испратил предлогот. Условите се два: САД да ја прекинат блокадата на иранските пристаништа и да ги запрат воените операции. Во замена – Ормускиот теснец се отвора. Нуклеарната програма ќе се разгледува во подоцнежни фази.

Трамп добил предлогот. Рекол дека е „многу подобар” од претходното. Но и дека не му е доволно – неговата „црвена линија” е јасна: Иран не смее да добие нуклеарно оружје. Иранскиот пратеник му одговорил директно: „Кој е Трамп да одлучува за нашите нуклеарни способности?”

Во меѓувреме, теснецот е затворен. Преку него минувало близу петтина од светскиот нафтен и гасен транзит. Нафтата е над 108 долари за барел, Goldman Sachs ги ревидирал прогнозите нагоре, пазарите се нервозни. Секој ден дипломатскиот застој трае, економскиот притисок се зголемува – и за Иран, и за Америка, и за сите кои купуваат гориво.

Арагчи патувал во Москва пред предлогот да биде испратен преку Пакистан до Вашингтон. Русија е иранскиот клучен сојузник. Дипломатскиот пат е долг и криволичен – а Хормуз во меѓувреме останува затворен.

Дали Трамп ќе прифати фазен пристап или ќе продолжи со притисок – тоа е прашањето на кое одговорот ги движи глобалните пазари во реално време.