Deputeti i VMRO-DPMNE-së Mile Lefkov paraqiti kallëzim penal në Prokurorinë për ndjekjen e krimit të organizuar dhe korrupsionit kundër Jon Frçkoskit, anëtar i Komitetit Ekzekutiv të LSDM-së, dhe kundër personave të panjohur. Kallëzimi është paraqitur elektronikisht, dhe do të arrijë edhe në arkivë. Me të Lefkovi kërkon që institucionet të konstatojnë çfarë qëndron pas fotografive të publikuara publikisht dhe pas fjalisë të Frçkoskit „A provove? Të fotografuan“, dhe të shqyrtojnë a ka bazë sipas neneve 215 dhe 216 të Kodit Penal, si edhe sipas nenit 364 - mospaqitja e veprës penale.

Si arritëm deri këtu? Më shumë se një javë më parë Frçkoski publikisht thirri Lefkovin që bashkë të shkojnë në laborator dhe të testohen për narkotikë. Pas tetë ditësh pa përgjigje, përsëriti: „Mile, kur do të shkojmë? Mendon se me një javë-dy do të fshehësh diçka?“ Rrugës i akuzoi deputetin dhe partinë e tij se janë të lidhur me njerëz që tregtojnë me drogë.

Lefkovi nuk shkoi në laborator. Shkoi në prokurori. „Nuk kam dobësi as ndaj alkoolit, as ndaj narkotikëve. Kurrë nuk kam përdorur substanca narkotike dhe kjo është fakt“, thotë ai dhe shton: „Nëse mendon se kam bërë vepër penale, urdhëro, kallëzo mua.“ Kundërgoditja: „Nëse tashmë publikisht pranon se ke përdorur drogë, kallëzo ata nga të cilët e sigurove!“ Dhe pretendimi se njerëzit rreth Venko Filipçes „do të vazhdojnë të përdorin narkotikë në zyra“ - pa as një dëshmi të bashkangjitur atij fjalie.

Këtu është çfarë mungon në të gjithë historinë: një gjetje laboratorike. Njëri kërkon test, tjetri kërkon prokuror, dhe asnjëri nuk ofroi dokument. Frçkoski paralajmëroi se do të testohet vetë dhe se do të publikojë rezultatet - do të shohim. Ndërkohë prokuroria për krim të organizuar dhe korrupsion, zyra që ekziston pikërisht për atë, merr një lëndë të përbërë nga postime në Facebook dhe një fjali të dykuptimshme. A është kjo puna e sajë, apo prokuroria po bëhet skenë në të cilën politikanët luajnë aktet e fundit të reality-shoueve të vetë?

„Nga sot, për mua kjo nuk është temë e Facebookut. Nga sot, kjo është temë për institucionet“, përcolli Lefkovi. Institucionet, pra, marrin edhe një lëndë nga Facebook. Sa lëndë të tilla ka prokuroria mbi tavolinë - dhe sa nga ato përfunduan me diçka më shumë se një titull?