Po, e dimë. Vjen fundjava dhe e fundit që dikush dëshiron është të kalojë disa orë në kuzhinë duke gatuar për të gjithë javën e ardhshme. Ka njerëz për të cilët kjo është pushim, mënyrë t'u shkyçin. Për shumë të tjerë është edhe një obligim. Por kjo është si palestra: askush nuk çmendet pas sajë, dhe dobitë pastaj janë aq të qarta që mundimi vlen. Gatimi paraprak për të gjithë javën, ajo që në botë e quajnë batch cooking, kursen kohë çdo ditë dhe, ajo që është më e rëndësishme, zgjidh çfarë do të hahet para se uria të vendosë në vend të juaj. Ushqimi i shëndetshëm është çështje planifikimi: pa plan improvizohet, dhe improvizimi rrallë përfundon me thjerrëza.

Shtatori është muaji kur zakoni kthehet, kështu që vlen të përsërritet bazikja. Ekzistojnë dy shkolla, dhe nuk përjashtohen. E para: gatuhen bazat veçmas, dhe në ditën kur hahet kombinohen brenda disa minutash. E dyta: gatuhen gjellë komplete që ruhen në kuti në frigorifer ose ngrirës, dhe pastaj vetëm nxehen. E para jep shumë më shumë variante, me dy-tre baza bëhen një dhjetëshe gjella të ndryshme. E dyta është „nxeh dhe gati“. Kush zgjedh të dytën, duhet të dijë se nuk secila gjellë duron disa ditë në frigorifer, dhe edhe më pak ngrirje.

Cilado shkollë, gjithçka nis para se të lidhet përparëse. Vendosni saktësisht çfarë do të gatuani, bëni listën për pazar sipas atij, por së pari shikoni çfarë tashmë kini në shtëpi. Pastaj gatuani me efikasitet: ndërsa në furrë piqet pulë, në një sobë vlojnë vezë, në një tjetër zbardhen perime. Tri gjëra njëherësh, dhe pasditja shkurtohet.

Bazat për shkollën e parë janë të thjeshta. Drithëra sipas zgjedhjes, kinoa, oriz, makarona, sipas mundësisë integrale, të vluara dhe të vendosura në kuti. Patate të vluara ose të pjekura, ose patate të embla për kush i preferon. Proteinë: pulë e pjekur me barishte, gjel deti i vluar, mish i grimcuar i gatuar me erëza, salmon në avull, gjithçka e prerë dhe e vendosur. Vezë të vluara në frigorifer, gjithmonë. Bishtajore, qiqra, thjerrëza, fasule, të vluara ose të blera të gatshme, dhe nëse dëshironi shije, qiqrat piqen me pak vaj dhe piper të kuq dhe tashmë janë shtojcë e gatshme për sallatë. Tofu i marinuar në soje, vaj dhe hudhër. Perime të freskëta të lara, të qëruara dhe të prera: karota, spec, kastravec, selino, plus thesa sallatë të gjelbër dhe rukolë për kombinim të shpejtë.

Këtu është edhe triku që të gjithë e kalojnë: zbardhja. Perimet futen në ujë të vluar një deri dy minuta, ftohen në ujë me akull, dhe pastaj ngrijnë. Kështu kini perime në dorë për një skuqje të shpejtë me oriz, pa shkrirje. Ose bëhet një bazë tip pinxhur me kunguj, domate dhe patëllxhan, që shfrytëzohet të gjithë javën.

Ajo që shpëton nga monotonia janë salcat. Të njëjtat baza me vinegret, me salcë kosi dhe barishte, me pesto ose humus janë katër drekë të ndryshme. Bazat mund të vendosen tashmë të kombinuara, por sallata e gjelbër dhe salcat shtohen në ditën kur hahet. Për shkollën e dytë, kuti të plota, përshtaten gjella me salcë, çorba nga bishtajore dhe perime, karri, dhe edhe krem-supa, por ato më mirë në frigorifer, sepse me ngrirje humbin teksturën. Kutitë të jenë të tejdukshme, hermetike dhe të rreshtohen njëra mbi tjetrën, të ndara në porcione individuale, me emër dhe datë të ngjitur. Tingëllon si magazinë. Por të enjten në mbrëmje, kur hapni frigoriferin dhe dreka tashmë është atje, magazina është ideja më e mirë e javës.