Presidenti serb Aleksandar Vuçiç deklaroi se plotësisht e mbështet presidentin kroat Zoran Millanoviç në vendimin për anulimin e samitit Brdo-Brioni të caktuar për maj, duke theksuar se atje nuk i është vendi.

"Gjithmonë kam dashur si president i Serbisë të shkoj dhe të vendos lule në Jasenovac - kjo më ka qenë gjithmonë pa krahasim më e rëndësishme", tha Vuçiç, duke shtuar se nuk është nënshtetas i askujt dhe nuk do të lejojë askënd të maltretojë mbi të.

Vuçiç ashpër e kritikoi qasjen e Millanoviçit, duke sugjeruar se presidenti kroat mund t'i ftonte aleatët e vet nga Prishtina dhe Tirana në vend se ta anulojë tërë samitin. "Le t'i ftojë shokët nga Prishtina dhe Tirana, të mos ua prishë idilën", porositi lideri serb.

Ai i hodhi poshtë edhe akuzat se modernizimi i ushtrisë serbe paraqet kërcënim për paqen rajonale, duke theksuar se flet si "president i lirë dhe liridashës i Serbisë".