Петтото издание на Белград Ривер Фест ќе се одржи на 16 и 17 јуни 2026 година на Kula Plaza во Belgrade Waterfront. Фестивалот оваа година доаѓа со најамбициозната продукција досега.

Првата вечер, 16 јуни, ќе настапи Рики Мартин – една од најпрепознатливите латино поп ѕвезди на планетата. Со хитови како „Livin’ La Vida Loca”, „She Bangs” и „La Copa de la Vida”, Рики Мартин продаде повеќе од 70 милиони плочи ширум светот, освои два Grammy награди и е еден од пионерите на латино поп бранот од крајот на 1990-тите.

Втората вечер, 17 јуни, хрватскиот виолончелист ХАУЗЕР ќе настапи со симфонискиот оркестар на РТС. Вечерта е инспирирана од неговиот проект „Cinema” посветен на најубавите мелодии од историјата на филмската музика, вклучувајќи теми од „Gladiator”, „Schindler’s List” и „The Godfather”.

Билетите за Белград Ривер Фест се достапни преку tickets.rs со цени од 5.900 РСД (околу 3.105 денари).