Еве каква ќе биде ситуацијата на граничниот премин Евзони денеска

Граничниот премин Евзони кон Македонија и денеска ќе биде периодично затворен за сообраќај, поради продолжените блокади од грчките земјоделци.

Според најавите, преминот ќе биде целосно затворен за сите возила во два термина:

•  од 11:00 до 15:00 часот

• од 17:00 до 21:00 часот (по македонско време)

Во периодот меѓу двете блокади, границата ќе биде привремено отворена околу два часа, по што повторно ќе следи затворање, јавува МИА.

Земјоделците со трактори се стационирани на преминот уште од 1 декември и најавуваат дека блокадите ќе продолжат и во наредниот период. Иако за време на Божиќ беше дозволено непречено движење, од вчера повторно се активирани блокади на повеќе локации низ Грција.

Според најавите, околу Нова година (од вторник до петок) можно е повторно привремено олеснување на сообраќајот, но тракторите ќе останат паркирани на една од коловозните ленти, што значи дека застои и ограничувања се и понатаму можни.