Поранешната претседателка на Државната комисија за спречување на корупцијата, Татјана Димитровска, застана пред суд и изјави: „Не се чувствувам виновна.” Обвинета е за откривање службена тајна – односно, за тоа што наводно кажала нешто што не требало да се каже. Иронијата е дебела: шефицата на антикорупциското тело, обвинета дека ги прекршила правилата кои требала да ги чува.

„Мислам дека не сторив ништо” – рече Димитровска. Судот ќе одлучи дали „мислам” е доволно. Но без разлика на пресудата, овој случај кажува многу за состојбата на институциите кои требаат да бидат чувари на системот, а на крајот самите завршуваат на обвинителска клупа.

Кога антикорупцијата стане обвинета, граѓаните имаат право да прашаат – кој ги чува чуварите?