Турскиот парламент усвои закон со кој на деца под 15 години им се забранува пристап до социјалните мрежи. Дигиталните платформи мора да воведат системи за верификација на возраст – а законот стапува на сила шест месеци по објавувањето во службен весник.

Родителите добиваат алатки за мониторинг на екранското време, а големите платформи мора да интервенираат во рок од еден час при итни ситуации со штетна содржина.

Турција не е сама. Францускиот претседател Макрон неодамна промовираше „ден без интернет” за младите, а претседателката на Европската комисија фон дер Лајен со лидери на 12 земји-членки дискутираше за слични ограничувања.

Прашањето е реално: колку години треба да имаш за да ти алгоритам одредува што гледаш? Но забраната е полесниот дел – спроведувањето е совем друга приказна. Дали Турција навистина може да верификува возраст онлајн, или ова е уште еден закон кој звучи добро на хартија?