„Знам дека ништо не знам“

„Знам дека ништо не знам“ – мисла што традиционално му се припишува на Сократ и која симболизира мудрост, скромност и свест дека секогаш има што да се научи.

Само кај нашите политичари, изгледа, таква дилема не постои. За нив речиси секогаш сè е однапред познато, секоја одлука е „најдобра“, секоја политика е „безгрешна“, а критиката најчесто се доживува како напад, наместо како можност за подобрување.

Да имаа барем малку од скромноста на Сократ, можеби почесто ќе ги слушаа граѓаните, а поретко ќе се убедуваа себеси дека секогаш се во право.

Вистинската мудрост не е да мислиш дека знаеш сè, туку да бидеш свесен дека секогаш има што да научиш.

Мудроста е да знаеш дека секој човек е најстручен во својата област. Лекарот во медицината, инженерот во техниката, наставникот во образованието, земјоделецот на нивата, претприемачот во бизнисот, научникот во истражувањето…

Ниту еден човек не може да биде врвен експерт за сè. Затоа најголемата мудрост не е да ги имаш сите одговори, туку да ги слушаш оние што навистина знаат.

Само така се носат добри одлуки. Сè друго е самодоверба без покритие.