Кремљ за прв пат во историјата на парадата за Денот на победата ги повлече акредитациите на странски новинари. Според “Дер Шпигел”, журналисти од германските ARD и ZDF, британската Скај Њуз, францускиот AFP, италијанскиот RAI и јапонскиот NHK биле известени дека нема да имаат пристап на 9 мај во Москва. Дозволените се сведени само на руски медиуми.

Образложението на портпаролот на Кремљ е концизно: “Поради тековната ситуација, форматот на известување за парадата за Денот на победата е изменет.” Преведено – не сакаме надворешни камери на сцената на која се обидуваме да докажеме дека сè е на ред.

Тоа е првата прилика од почетокот на парадата кога Москва повлекува веќе издадени акредитации. Не одбива нови барања – повлекува потврдени. Сигнал кој не може да се прочита поинаку отколку дека сликите оваа година треба да бидат под целосна редакторска контрола на Кремљ. Оптика на парада во ера на дронови, како што ја осмислуваат руските пропагандисти.

Парадата на 9 мај во Москва секогаш има политичка страна, но оваа година е чиста режисура. Странските медиуми не се допуштени затоа што секој кадар надвор од однапред поставениот фокус може да биде интерпретиран на штета на наративот. На Балканот ова го препознаваме: кога институцијата затвора врата за независни камери, не значи дека нема што да се види. Значи дека оние што гледаат се сметаат за заплаха.