Поранешната технолошка директорка на OpenAI, Mira Murati, преку нејзината нова компанија Thinking Machines Lab најави нешто кое сите AI компании моментално го гонат – модел кој може да слуша додека зборува. Терминот е технички: „целосен дуплекс”. Концептот – вештачка интелигенција која работи како телефонски разговор, а не како чат.

Денес секој AI модел работи по линиски редослед. Корисникот зборува, моделот слуша. Моделот одговара, корисникот слуша. Размена – но не и разговор. TML-Interaction-Small ова го собира во едно. Модел кој реагира за 0.40 секунди – брзина блиска на природен човечки дијалог и значително побрз од оние што ги нудат OpenAI и Google.

Сè уште е истражувачка верзија. Не е достапна за обична публика. Murati вели дека ограничен пристап ќе биде достапен во наредните неколку месеци, а пошироко – во текот на 2026 година.

Што се крие зад ова? Идеа дека интерактивноста не треба да биде надградба – туку нешто вградено во самиот модел. Бенчмарковите што Thinking Machines ги објавува се впечатливи. Но како и со сè во AI индустријата, бројките во контролирани услови и реалното искуство ретко се поклопуваат. Прашањето не е дали „TML-Interaction-Small” може да слуша додека зборува – туку дали тоа значи нешто за обичен корисник, или е уште една демонстрација за инвеститори.