Финансиските показатели на рудникот САСА покажуваат загрижувачки тренд на намалување на добивката во последните три години.

Добивката од 17,5 милиони евра во 2023 година се намалила на 13,9 милиони евра во 2024 година, а во 2025 година изнесува само 4,2 милиони евра.

Ваквите резултати упатуваат на сериозен притисок врз работењето на рудникот, без разлика дали причините се намалени цени на металите, зголемени трошоци за производство, посиромашна руда или намалено производство.

САСА е најголемиот работодавач во Македонска Каменица и еден од најголемите рудници за олово и цинк во регионот. Поради тоа, континуираното намалување на добивката отвора прашања за идните инвестиции, модернизацијата на производството и долгорочната стабилност на работните места.

Во месец Ноември 2025 година на вработените им беше понудена можност за спогодбени договори ( спогодбено отпуштање-), одговорни лица од Саса изјавија:  „Ова не е процес на масовно отпуштање, туку контролиран, структуриран и фер процес на организациска оптимизација кој се спроведува со целосна почит кон луѓето и законските процедури.

Ваквиот тренд укажува дека рудникот работи во значително потешки услови отколку во претходниот период, а првите последици обично ги чувствуваат вработените преку мерки за намалување на трошоците и оптимизација на работната сила.

Ако се земе во обзир дека, Соња Стаменкова, градоначалничка на Македонска Каменица изјави : Македонска Каменица бара начин и гради одржлива и развојна стратегија на општината и по Рудник Саса. Кога и да е, ризикот ќе стигне, а ние не смееме да влеземе во него.

Поради тоа, Владата, Министерството за енергетика, рударство и минерални суровини, како и раководството на САСА треба јавно да ги презентираат своите планови за идниот развој на рудникот и да преземат конкретни мерки за обезбедување стабилност на производството и зачувување на работните места.