Делегации од Кина и САД денеска се состанаа во малезискиот главен град Куала Лумпур на разговори посветени на економските и трговските прашања меѓу двете земји.

Според кинеското Министерство за трговија, двете страни ќе одржат консултации за главните теми од заеднички интерес, во согласност со консензусот постигнат меѓу лидерите на двете земји за време на нивните телефонски разговори оваа година.

Кинеската делегација ја предводи вицепремиерот Хе Лифен, кој е и член на Политичкото биро на Централниот комитет на Комунистичката партија на Кина.

Американските медиуми наведуваат дека Пекинг и Вашингтон се обидуваат да ги стабилизираат своите односи и постепено да ја надминат трговската војна што трае веќе неколку години.

Официјални извори најавуваат дека разговорите ќе продолжат и во наредните месеци, со цел да се постигне поголема економска предвидливост и намалување на тензиите меѓу двете најголеми економии во светот.