Историската кула Торе деи Конти во центарот на Рим се урна претпладнево за време на реновирачки работи во близина на Империјалниот форум, предизвикувајќи паника во срцето на градот.

Пожарникарите реагираа брзо и успеаја да спасат четворица работници, додека еден остана заробен под урнатините. Спасувачките екипи со скали и специјална опрема неколку часа се обидуваа да го извлечат.

На социјалните мрежи се појавија бројни видеа од моментот на уривањето, а едно од нив јасно го прикажува моментот кога древната структура попушта и се руши пред очите на минувачите.

Roma, crolla altra porzione della Torre dei Conti pic.twitter.com/V6cyLElzQK

— Local Team (@localteamit) November 3, 2025

Кулата, изградена во 1238 година по наредба на папата Инокентиј III, е еден од најзначајните средновековни споменици во Рим. Во моментот на несреќата, се изведувале реновирачки работи финансирани преку Националниот план за закрепнување и отпорност, кога дел од конструкцијата не издржал.