Кратката коса повторно владее, но не како една фризура – туку како три. French Bob, Italian Bob и Capri Bob се трендовите на летото, а тајната е да знаеш која од нив одговара на твоето лице.

French Bob е најкраткиот од трите – паѓа некаде меѓу вилицата и вратот, често со шишки. Стилистката Викторија Петрова вели дека тој „пренесува природност и оној париски дух што изгледа необработено, иако зад него стои многу прецизен дизајн”. Со други зборови, изгледа лежерно, но не е случаен.

Italian Bob има поцврста основа и малку поголема должина од францускиот. Таа структура дава волумен, сјај и движење, а истовремено задржува елеганција. Одговара особено на оние со погуста коса – таму каде французискиот би изгледал премногу лесно, италијанскиот има тежина.

Capri Bob е летниот фаворит што става акцент на лесност. Обично се носи до нивото на клучната коска или малку над неа, со природна текстура и помалку структуриран завршеток. „Многу е свеж и лесен за прилагодување на оваа сезона, бидејќи работи и пуштен и со многу меки брановидни”, вели Петрова.

А кое лице која фризура сака? Тркалезните лица добиваат од линии што издолжуваат. Овалните имаат простор за страничен волумен или шишки на разделба. Квадратните лица бараат омекнати, пооргански линии. А срцевидните – прилагодена должина за да се балансира долниот дел од лицето.

Но обликот на лицето не е сè. Петрова нагласува дека текстурата и густината на косата, како и колку време секој ден одвојуваш за средување, се исто толку важни. Тенка коса сака покомпактна основа; густа коса бара распределба на тежината. Добро скроената фризура треба да изгледа убаво со минимален труд – зашто ако секое утро ти зема половина час, тоа не е фризура за тебе, колку и да е модерна.