По големото повлекување на „Милка“ во Германија, денес и Државниот инспекторат на Хрватска објави дека од продажба се повлекува производот „Милка чоколадо карамел“ 100 g поради можно присуство на пластичен материјал. Производот го продава Müller Загреб, а е произведен од Mondelez Deutschland GmbH.

Инспекторатот предупредува дека производот не е во согласност со европските стандарди за безбедност на храна и ги повикува потрошувачите веднаш да престанат да го користат. Проблемот се однесува само на одредени серии со рок на траење: 20.02.2026, 21.02.2026, 26.02.2026 и 27.02.2026.

Чоколадата може да се врати во било која продавница Müller, а средствата ќе бидат рефундирани и без приложена сметка.