Американскиот претседател Доналд Трамп изјави дека смената на режимот во Иран би била „најдобрата работа што може да се случи”, упатувајќи нова остра порака кон Техеран во период на ескалирачки тензии на Блискиот Исток.

Трамп потврди дека најголемиот носач на авиони во светот, „Џералд Р. Форд”, ќе биде распореден на Блискиот Исток од Карибското Море. Тој треба да им се приклучи на „Абрахам Линколн” и на неколку разорувачи со наведувачки ракети, кои веќе повеќе од две недели се присутни во регионот.

„Само зборуваат и зборуваат и зборуваат веќе 47 години”, рече Трамп, алудирајќи на долгогодишните тензии меѓу двете земји. Сепак, остави простор за дипломатија: „Ако ни дадат прав договор, нема да го сториме тоа”.

Според информации од американски извори, војската се подготвува за можни повеќенеделни операции против Иран доколку претседателот нареди напад. Сепак, се очекува и ирански одмазднички напади, што може да доведе до продолжена размена на воени удари.

Израелскиот премиер Бенјамин Нетанјаху изрази надеж дека Трамп создава услови за договор со Иран без воена ескалација, укажувајќи на можноста за дипломатско решение во позадина на воените подготовки.