Претседателот на САД Доналд Трамп нареди на сите федерални агенции да ги идентификуваат и јавно објават сите владини документи поврзани со нeидентификувани воздушни феномени и вонземски живот. Наредбата дојде откако Трамп го обвини поранешниот претседател Барак Обама дека при неодамнешен подкаст-настап открил класифицирани информации.

„Тој открил класифицирани информации, не требало да го прави тоа” — изјави Трамп за новинарите на борд на Ер Форс Ван. Обама беше прашан за вонземски живот во интервју со коментаторот Брајан Тајлер Коен, при што одговорил: „Тие се реални. Но јас не сум ги видел. И не се чуваат во Ерија 51.”

По бурните реакции, Обама на Инстаграм дополни дека „статистички, универзумот е толку огромен што постои голема шанса животот да постои некаде”, но истовремено истакна дека „шансите дека нè посетиле вонземјани се мали” и дека за времето на своето претседателство немал докази за контакт.

Трамп го искористи настанот за да нареди целосна транспарентност — наредбата опфаќа и документи кои со децении биле класифицирани. Светот со нетрпение го очекува она што евентуалното отворање на архивите ќе покаже за досегашните владини спознанија за НЛО-феноменот.

Темата за НЛО и вонземски живот повторно стана актуелна на највисоко политичко ниво во САД, а потегот на Трамп е среде поделени реакции — едни го гледаат како ветено право на граѓаните да знаат, а други го толкуваат како политичка игра во спорот со поранешниот претседател.